Obyektiv.info
 Valyuta məzənnəsi

“Qarabağ”ın sabiq futbolçuları “Astana”nı Avropa Liqasının qrup mərhələsinə çıxarıb

Tarix:31-08-2018, 09:31

“Qarabağ”ın sabiq futbolçuları “Astana”nı Avropa Liqasının qrup mərhələsinə çıxarıb

Azərbaycan milli komandasının futbolçusu Riçard Almeydanın çıxış etdiyi Qazaxıstanın “Astana” klubu Avropa Liqasının qrup mərhələsinə yüksəlib.”Report”un məlumatına görə, eyniadlı şəhərin təmsilçisi Avroliqanın pley-off mərhələsində Kipr APOEL-ini mübarizədən kənarlaşdırıb.
Ötən həftə səfər matçında 0:1 hesabı ilə uduzmuş “Astana” bu gün cavab görüşünün əsas vaxtını eyni hesablı üstünlüklə başa vurub. Yeganə qolu 16-cı dəqiqədə “Qarabağ”ın sabiq yarımmüdafiəçi Pedro Enrike vurub. Əlavə vaxtda hesab dəyişmədiyindən, cütün qalibi penaltilər seriyasında müəyyənləşib. Bu zaman “Astana” daha dəqiq olub – 2:1. Qazaxıstan çempionunun qollarını məhz “Qarabağ”ın sabiq futbolçuları – Riçard Almeyda və Pedro Enrike vurub. APOEL-dən isə Nunu Moraiş fərqlənib. Qalan oyunçular zərbəni dəqiq yerinə yetirə bilməyiblər.
Beləliklə, “Astana” ardıcıl üçüncü mövsüm Avropa Liqasının qrup mərhələsinə yüksəlib. 2015-2016 mövsümündə isə bu komanda Çempionlar Liqasının qrup mərhələsində çıxış edib.

obyektiv.info

Oxunub: 248



XƏBƏR LENTİ