Obyektiv.info
 Valyuta məzənnəsi

"Azərpoçt" MMC problemli kredit sahiblərinə iki formada kompensasiya verəcək

Tarix:21-04-2019, 11:35

"Azərpoçt" MMC problemli kredit sahiblərinə iki formada kompensasiya verəcəkProblemli kreditinə 500 manatdan aşağı kompensasiya düşən vətəndaşlar aprelin 22-dən etibarən "Azərpoçt"un respublika üzrə bütün şöbələrinə yaxınlaşıb, şəxsiyyət vəsiqəsini və onun surətini təqdim etməklə pullarını nağd şəkildə ala biləcəklər.

Nəqliyyat, Rabitə və Yüksək Texnologiyalar Nazirliyindən AZƏRTAC-a bildirilib ki, mayın 1-dən etibarən isə kompensasiyası 500 manatdan yuxarı olan vətəndaşlar onlar üçün ayrılmış poçt şöbələrindən məbləğlərini qeyri-nağd formada, yəni kart vasitəsilə alıb, nağdlaşdıra biləcəklər.

Qeyd edək ki, yalnız Bank Olmayan Kredit Təşkilatları (BOKT) və bağlanan bankların problemli kredit sahibləri "Azərpoçt" MMC-yə müraciət etməlidirlər.

Maliyyə Bazarlarına Nəzarət Palatası tərəfindən təqdim olunan siyahıya əsasən "Azərpoçt" MMC-nin icra edəcəyi əməliyyat ilkin mərhələdə 120 min 994 nəfərə şamil olunacaq. 44 min 158 nəfər kompensasiyası 500 manatdan yuxarı olduğuna görə "Azərpoçt"un kartları vasitəsilə, 76 min 836 nəfər isə məbləğ 500 manatdan aşağı olduğu üçün nağd şəkildə əldə edəcəklər. Problemli kreditli vətəndaşlar və onlara ödəniləcək kompensasiya barədə bütün məlumatlar "Azərpoçt" MMC-yə işin əsas icraçısı olan Maliyyə Bazarlarına Nəzarət Palatası tərəfindən ötürülüb.

Bütün məlumatlar palatanın hazırladığı http://http://www.pk.fimsa.az portalında yerləşdirilib. Bağlanan banklar və BOKT-ların problemli kredit sahibləri isə məlumatları, eyni zamanda, "Azərpoçt" MMC-nin rəsmi internet səhifəsində "Problemli kreditinizə düşən kompensasiya haqqında məlumat" bölməsindən də ala bilərlər.

Bu layihədə BOKT-ların, eləcə də ləğv prosesində olan bankların müştərisi olan fiziki şəxslərə 500 manatadək məbləğdə kompensasiyaların verilməsi "Azərpoçt" MMC-nin pulköçürmələri xidməti vasitəsilə ödəniləcək. Qeyd olunan ödənişlər həyata keçirilərkən müştərilərin eyniləşdirilməsinə, sistemdə olan məlumatlarla müştərinin şəxsiyyət vəsiqəsindəki məlumatların üst-üstə düşməsinə ciddi diqqət yetiriləcək.

Eyni zamanda, PIN kodlar və kartlar müştərilərə təqdim edilərkən reyestrdə imza etdiriləcək və şəxsiyyət vəsiqəsinin surəti alınaraq reyestrə əlavə olunacaq. Plastik kartlar vasitəsilə ödənişlər vətəndaşların qeydiyyat ünvanları üzrə poçt şöbələrinə plastik kartların sahiblərinə göndərilməsi ilə baş tutacaq. Vətəndaş "Azərpoçt" MMC-nin rəsmi saytı vasitəsilə məlumatları qeyd edərkən həmin şöbə göstərilir və vətəndaş orada göstərilən poçt şöbəsinə yaxınlaşıb zəruri sənədlərə imza atır.

Bu əməliyyatlar yerinə yetirildikdən sonra vətəndaşa plastik kart və PIN kod təqdim olunur. Müştərilər nəinki "Azərpoçt"un bankomatlarında və POS-terminallarla təchiz olunan şöbələrində plastik kart vasitəsilə, eyni zamanda, "Millikart" MMC tərəfindən şəbəkəyə daxil olan bütün ATM-lər vasitəsilə rüsum tutulmadan nağdlaşdırma əməliyyatı həyata keçirə biləcəklər. "Millikart" MMC-nin şəbəkəsinə daxil olan ATM-lər ASB ("Azərbaycan Sənaye Bankı"), "AccessBank", "Bank Melli İran", "Bank of Baku", "ExpressBank", "Gunay Bank", "NaxçıvanBank", "Unibank"a məxsusdur.

Problemli kredit sahibi ölkədə yoxdursa və ya vəfat edibsə, ödəniş zamin tərəfindən edilibsə, eləcə də bu və ya digər müzakirəli məsələlərdə, yalnız qanunvericiliklə nəzərdə tutulan hallarda varislik və ya etibarnamə ilə ödənişlər həyata keçirilə biləcək. Varisliyin təyin olunması və etibarnamənin verilməsi ilə bağlı yaranan problemlərin həll olunması "Azərpoçt"un səlahiyyətində deyil. Problemli kreditlərin fiziki şəxslərə qaytarılması işində "Azərpoçt" MMC sadəcə icraçı tərəf kimi çıxış edir.

Qeyd edək ki, "Azərpoçt" MMC tərəfindən problemli kreditlərin ödənilməsi ilə bağlı göstərilən xidmətlər pulsuz həyata keçiriləcək.

Oxunub: 106



XƏBƏR LENTİ
Gürcüstanın Azərbaycana bu qədər borcu var
HƏBSDƏKİ BAŞ MEMARIN BACISI İNTİHAR EDİB… – Akif Əliyevin qardaşı Prezidentdən kömək istədi
Azərbaycan ordusu istənilən təxribatın qarşısını almağa qadirdir
İlham Əliyev Rusiya Federasiyasının Prezidenti Vladimir Putinə telefonla zəng edib
Tovuzda həyəcan siqnalı - Xüsusi çevik dəstə göndərildi - FOTO
Daha bir məmur oğlunun bahalı avtomobil kolleksiyası-Fotolar
Karantin rejimi yenidən sərtləşdirilə bilər – AÇIQLAMA
“Vidadi İsayev rahat olsun deyə…” – İcra başçısı yolkəsənlik edir
Nazirlikdən yeni dərs iliylə bağlı açıqlama: “DAVAMİYYƏT VACİB OLMAYACAQ”
Dövlət Komitəsinin sədri videoqəbul keçirib
Teatrşünas Anar Burcəliyev: "Gəncənin mərkəzində olan Hacı Mir Qasım Ağa kəhrizinin bərpa edilməsinə böyük ehtiyac var".
Bakıda ucuz qiymətə sosial mənzillər - SATIŞA ÇIXARILDI - QİYMƏTLƏR
“Nar” eşitmə məhdudiyyətli insanları tibbi-gigiyenik vasitələrlə təmin edib
Gələn həftə insanlar koronavirus testindən keçib rayonlara gedə biləcək? - TƏBİB-dən AÇIQLAMA
Milyonluq şirkətin kağız üstündəki direktorları
“Vəzifəyə gedir ki, rüşvət alıb pul qazansın...” - Rəşid Mahmudov
Gələn həftə kafelər açılır? – Baş infeksionistdən açıqlama
AZAL şefinin 1-ci müavininin də şirkətləri üzə çıxdı (SİYAHI)
Qax Rayon İcra Hakimiyyəti başçısı İnzibati Ərazi Dairələri üzrə nümayəndələrinin iştirakı ilə onlayn müşavirə keçirib